ZRC Awging Lom 4, Hawm 14 (08-Nov-2015)

Tukaal Thulu Te Tomlakna (na etnop pen meek ziau le cin)
  1. IOM Contact Ki Ngahlo
  2. August 17, 2010 maa in UNHCR Card/Laidal Ngahte In UNHCR Zum Zasak Hamtang Ding
  3. !!!MEMSA Pan In Micina Kepdan Khoi Dan (Health Care Providers Training) Om ding!!!
  4. ZOMI Own-tune (IV) veina Om Kik Ding
  5. ZRC Zum Ah Niik Leh Puan 2015 Latest Design Tuamtuam Hong Tungta
  6. Zolia Te Ading Melhoih Kizepna
  7. Lungdam Kohna
  8. Dahpihna
  9. !!!Nasep !!!Nasep !!!Nasep !!!

Ning Do Lian (Pa Min = Khup Sian Mung)
Ning Do Lian pen November 3, 2015 (Tuesday) ni in Cultural and Oreintation (CO) tintan a kah ding hi. Athei kha ih om leh ZRC ahi zong IOM ah manlang thei pen in zaksak ding ki sam hi.
⇑Atung Lamah

Thu Masa

P2 (Group Resettlement Process) ih cih ciang in August 17, 2010 maa in UNHCR card ngahte ahi hi. Tulai tak in UNHCR-RST zum pan lim kan mahmah uh hi. SMS phone pan lai tawh zong hong ki khak kha ding hi. Phone numbat a laih te’n zong a manlang thei pen in na zaksak ding uh ki sam hi. Group case sung ah Gam 3na apai thei ding Chin state buppi sung pan case 2000 kiim omlai ci uh hi. Tua ahihman in August 17, 2010 maa in UNHCR card ngah na pi’n RST hong kisam nailo peuh mah in ZRC zum a manlang thei pen in nong zasakna ding uh leh. Min sayin nong piak hamtang ding un kong theisak uh hi.

Fraud case (Min ki bang) aa a awk te ki hello ding hi. Fraud case (min ki bang) aa a awk hi na pi’n vai teng siang khin aa RSC a phyi ngei nailo limlim te zong ki hel thei ding hi. Minsayin piak theih hun ding pen December 31, 2015 khit zawh ciang ki sang nawnlo ding hi. A tel beh nuam ih om leh zong ZRC zum ah ki dawp ki dong thei hi. Gam 3na tawh kisai in ZRC Awging Lom 4, Hawm 12 ah zong a ki tel tak in ki gelh khin hi.

August 17, 2010 maa UN card na ngah lai in ah single (zi/pasal) nei nailo aci peuh mah te’n zi/pasal nei uh aa, a zi/pasal te’n August 17, 2015 maa in UN card a ngahsa khat tawh aki teng zenzen vua leh tua te zong ki hel veve ding aa, ahi zong in tua khit aa UN card ngahte ahi zong a ngah nailo te a ten pih khak zenzen vua leh hih thu (Programme) P2 ah ki hel kha thei nawnlo ding uh aa, P1 ah a tuak suk kik kul ding uh hi. Cih nopna in ah gam 3na leng thei nawnlo ding cihna hi tuanlo aa, ahi zong na tangthu, na dawn dan tawh ki zui in hong ki manlang sak ahi kei leh hong ki zakai sak thei kha ding uh hi.

August 17, 2010 maa UNHCR card na ngahlai in UN ah zi/pasal leh ta nei khin aci akua mapeuhte ading in bang hun bang hun in na lut pih hang in zong P2 case hi veve ding aa, hih thu (Programme) ah ki hel veve kha ding hi. Ahi zong in RST ki sap lai in Zi/pasal hong tung nailo in ngak ning aci akua mapeuh hih thu (Programme) ah ki hello leuleu hi.

August 17, 2010 maa in UN card ngah mah hi veng, ahi zong tettan ka to kik ciang ka card numbat hong laih sak uh ci a, a om kha ih om leh zong ZRC zum ah min sayin hongpia veve un!

UNHCR zum pan in hih anuai aa dan in Lai Hong Kikhak Kha Ding Hi. Nang ii UN Numbat tawh aki tuak zenzen leh UN ah amanlang thei pen in pai pah ding ki sam hi.

⇑Atung Lamah
MEMSA Sang pen sang hoih mahmah khat hi aa, Cidamna lam tawh kisai kep dan khoi dan sinna ahi hi. Certificate (Laidal pi) zong hong kipia ding hi. Tua sang pan a ong peuhpeuh in US (America), Canada, United Kingdom ah khat peuhpeuh na tun ciang in zong cina kep tawh kisai in nasep hoih ki ngah thei ding aa, khasum zong hoih hi.

MEMSA Sang Akah Nuam Akua mapeuh ii theih ding:
  1. MEMSA sang pen Level in ki khen aa... Level 1 in Kha 6 sung sang kah kha ding hi. Level 1 zawh sial in certificate ki pia ding hi.
  2. Sang kah man Level 1 pen kha 6 sung hi aa, RM 500 hi ding hi. An leh Omna pia sa ahi hi.
  3. Akah nuam peuh mah in December 30, 20105 a nunung pen in ZRC zum ah min sayin pia aa Form nong fill up na ding ki sam hi.
  4. Sang kahna ding mun pen MEMSA Training Center, Bukit Beruntung ah hi ding hi.
  5. A tel beh nuam ih om leh ZRC zum ah nong kanna ding kong zasak uh hi.

⇑Atung Lamah

Kong it ZOMI pih a kua ma ciat aw, PASIAN in ih mi pihte sung ah La phuak siam, lasa siam tam pi tak hong pia hi. Tua te pen ih pah tawi theihna ding leh Lasak na, la phuak na lam ah ih khan toh sem sem nang cih ngim na lian pi tawh A (4) vei na ZOMI OWNTUNE ki demna ki pan kik ta ding hi hang.

Hih ki dem na sung ah Zomi na hih naak leh ki hel thei ding na hihman in nong ki hel kim ciat ding Zomi akua mapeuh kong zawn uh hi.

La Ki Dem Dingte Theih Ding Thu

  1. Zola hi hamtang ding a, zawlla lo siah kidem thei ding hi.
  2. December 6, 2015 (6) ni ciang a nunung pen la ki pia thei ding hi.
  3. December 10, 2015 ni in la kilem ding hi.
  4. Karaoke (-1) tawh kua mah kidem saklo ding hi.
  5. Band a nei te’n na band tawh kidem thei ding hi.
  6. La kidem man mihing 1 RM 70 hi dng hi.
  7. Ki dem ni ding December 11, 2015 (Friday).

Kizopna ding:
Pau Thawn: 018-253 7840
Nua Nuam : 017-317 0489
Maa Mang : 017-395 1504

⇑Atung Lamah

ZRC zum ah Zoniik, leh adangdang Niik leh Zaa puan, kawlgam kawl lukhu hoih nono 2015 latest design hong tungta hi. Alei masa ahampha hi ding hi. Niik leh puan alei nuam peuh mah in aman lang thei pen in nong pai na ding un thu hoih kong puak uh hi. Taman Sri Kuching ah zong om hi. Niik leh puan tawh kisai ki zopna ding Syamah Dimboih 010-287 9847
⇑Atung Lamah

Aung Nan Daw te ii thusiamna tawh Zolia te ading deih sakna ngiat tawh Kizepna sai ki hong thakta hi. Sam tawh kisai ki zepdan nam khem peuh ut dandan, deih dandan ki bawl theita hi. Mai zong deih dandan in ki bawl sak theita hi. 3D latest set van vive aki zang ahihman in muan huai mahmah in lungkim huai mahmah hi. Tua bek thamlo in cinn zepdan atuamtuam ki bawl sak thei aa, a sin nuam ih om leh zong sin sak lai uh hi cih thu hoih kong hawm sawn uh hi.

Saizang khua pan ahi Vum Kap Tuang in October 23, 2015 ni in hong nusiatna tawh ki zui in ZRC pan adah akap mimal akua maciat tawh aki bang in ki dah khawm hi.
⇑Atung Lamah

Aung Nan Daw ansai pan in Pasian a zahtaakna uh leh Zomite a it a vein a hang in ZRC zum ading in RM 100 hongpia khia ahihman in ki lungdam mahmah hi. Ih biak Pasian in a tanu a tapa te thupha hong piaksak ta hen!

Zomite ading in nasem ahi ZRC ii nasepna te thapia nuam ih om leh ZRC pan in lungdam tak in ki sang den hi. Zomi ading in nasem khawm ni, maa pang khawm ni.
⇑Atung Lamah

Vaivet Khua ah teeng Pu Pau Ngaih Lang ii tapa Pa Sut Muan Piang in November 5, 2015 (Thursday) ni in Malaysia pan hong nusiatna tawh kizui in ZRC in zong a dah a kap mimal akua maciat tawh aki bang in ki dah ki kap hi.

Suangphei khua mi Nu Cing Khaw Huai (Kum 60) in November 3. 2015 (Tuesday) ni in Malaysia pan in hong nusiatna tawh ki zui in ZRC in zong a dah a kap mimal akua maciat tawh aki bang in ki dah ki kap hi.
⇑Atung Lamah

  1. DIAMEX Setzong Ah Numei 5 Kideih
  2. Korea Ansai ah Pasal 1 Kideih
  3. Ansai Ah Pasal 3 Kideih
  4. Innteng Nasep Numei 1 Kideih
  5. Vasa Mul Botna ah Numei 2 Kideih
⇑Atung Lamah

ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
ZRC Awging Lom 4, Hawm 14
⇑Atung Lamah
at
Labels: , , , , , , , ,
Subscribe to: Posts (Atom)